Back to homepage

ಶ್ರೀ ವಿನಯ್ ಕರ್ಕೇರ ಮಲ್ಪೆ

ಅಧ್ಯಕ್ಷರು, ಮೊಗವೀರ ಯುವ ಸಂಘಟನೆ(ರಿ.) ಉಡುಪಿ ಜಿಲ್ಲೆ ಉಡುಪಿ ಜಿಲ್ಲೆ ಉಡುಪಿ ತಾಲೂಕಿನ ಕೊಡವೂರು ಗ್ರಾಮದ ಮಲ್ಪೆ ಪಡುಕೆರೆಯಲ್ಲಿ ದಿನಾಂಕ 20-02-1977 ರಂದು ಶ್ರೀ ಸುಂದರ ಕೋಟ್ಯಾನ್ ಹಾಗೂ ಶ್ರಿಮತಿ ಅಪ್ಪಿ ಕರ್ಕೇರ ಇವರ ತ್ರತೀಯ ಪುತ್ರನಾಗಿ ಜನಿಸಿದ ಶ್ರೀ ವಿನಯ್ ಕರ್ಕೇರ ರವರು ವ್ರತ್ತಿಯಲ್ಲಿ ಮೀನು ವ್ಯಾಪಾರಸ್ಥ. ತನ್ನ ಬಾಲ್ಯ ಜೀವನವನ್ನು ಪಡುಕೆರೆಯಲ್ಲಿ ಕಳೆದ ಇವರು ಪ್ರಾಥಮಿಕ ,ಪ್ರೌಢ ಹಾಗೂ ಪದವಿ ಪೂರ್ವ ಶಿಕ್ಷಣವನ್ನು ಮಲ್ಪೆಯಲ್ಲಿ ಮುಗಿಸಿದರು, ತಮ್ಮ ಪದವಿ ಶಿಕ್ಷಣವನ್ನು ಮಹಾತ್ಮಗಾಂಧಿ ಮೆಮೋರಿಯಲ್ ಕಾಲೇಜು ಕುಂಜಿಬೆಟ್ಟು ಇಲ್ಲಿ ಮುಗಿಸಿದರು.

ದಿನಾಂಕ: 16-05-2005 ರಂದು ಚಂದ್ರಿಕಾಳೊಂದಿಗೆ ದಾಂಪತ್ಯ ಜೀವನ ಆರಂಭಿಸಿದ ಇವರು ಪುತ್ರಿ ಧನ್ಯ ಹಾಗೂ ಪುತ್ರ ದರ್ಶ್ ರೊಂದಿಗೆ ಪ್ರಸ್ತುತ ಮಲ್ಪೆಯ ಬಾಪುತೋಟದಲ್ಲಿ ನೆಲೆಸಿದ್ದಾರೆ.

ಮೊಗವೀರ ಸಮಾಜದ ಕುಲರತ್ನ ಸಮಾಜಮುಖಿ ಚಿಂತನೆಯ ಹರಿಕಾರ ನಾಡೋಜ ಡಾ: ಜಿ.ಶಂಕರ್ ರವರ ಮತ್ತು ಸಮಾಜದ ಹಿರಿಯ ನಾಯಕರ ಮಾರ್ಗದರ್ಶನದಲ್ಲಿ ಆರಂಭವಾದ " ಮೊಗವೀರ ಯುವ ಸಂಘಟನೆ (ರಿ) ಉಡುಪಿ ಜಿಲ್ಲೆ

" ಇದರ ಘಟಕವಾದ ಮಲ್ಪೆ ಘಟಕದಲ್ಲಿ ಗುರುತಿಸಿಕೊಂಡು, ಘಟಕದ ಅಧ್ಯಕ್ಷರಾಗಿ, ಸೇವೆ ಸಲ್ಲಿಸಿದ್ದಾರೆ. 2015-17ನೇ ಸಾಲಿನಲ್ಲಿ ಜಿಲ್ಲಾ ಸಂಘಟನೆಯ ಉಪಾಧ್ಯಕ್ಷರಾಗಿ ಸೇವೆ ಸಲ್ಲಿಸಿದರು. ಜಿ. ಶಂಕರ್ ರವರ ಸಮಾಜ ಸೇವಾ ಆದರ್ಶಗಳನ್ನು ಪಾಲಿಸಿಕೊಂಡು ಬರುತ್ತಿರುವ ಇವರ ಸೇವೆಯ ಫಲಶ್ರುತಿಯೆಂಬಂತೆ " ಮೊಗವೀರ ಯುವ ಸಂಘಟನೆ (ರಿ) ಉಡುಪಿ ಜಿಲ್ಲೆ " ಇದರ 2017-2019 ರ ಸಾಲಿನ ಅಧ್ಯಕ್ಷರಾಗಿ ದಿನಾಂಕ: 28/01/2018 ರಂದು ಪದ ಸ್ವೀಕಾರ ಹೊಂದಿದ್ದಾರೆ.